Beyond: Dos Almas sae á venda para PS4

xoves, 26 de novembro do 2015 Marcus Fernández

A protagonista do xogo está interpretada pola actriz Ellen Page

O ano pasado Quantic Dream cativou a moitos xogadores de PlayStation 3 con Beyond: Dos Almas, un xogo que podemos considerar unha película interactiva, na que nos metemos na pel de Jodie Holmes (interpretada pola actriz Ellen Page), moza con poderes paranormais grazas á súa ligazón cun ente invisible, de xeito que o xogador pode alternar o control entre a protagonista e o ente, para superar así distintos desafíos físicos, psicolóxicos e emocionais ao longo unha completa historia que a parires de hoxe está tamén dispoñible para PlayStation 4.

O xogo pode considerarse case como unha película interactiva

O xogo pode mercarse a partires de hoxe a un prezo de 29,99 euros, e, de realizarse a súa adquisición na PlayStation Store antes do 29 de febreiro, pode conseguirse un importante desconto na compra do anterior título do mesmo estudio, Heavy Rain (ou sexa, que sería equivalente á colección para PS4 que incluirá ambos xogos e que sairá á venda o 2 de marzo).
A versión para PlayStation 4 de Beyond: Dos Almas ofrece gráficos mellorados a 1.080p e inclúe algunha novidade adicional como máis dificultade nalgunhas escenas de loita, controis mellorados en secuencias de acción, a posibilidade de comparar as decisións que tomemos ao final de cada escena coa doutros xogadores e a posibilidade de gozar da aventura en orde cronolóxica. Tamén inclúe o contido descargable Experimentos Avanzados.

Beyond: Dos Almas presentan situacións en distintos momentos da vida de Jodie Holmes, pero nesta nova versión ofrécese a posibilidade de percorrelos por orde cronolóxica

Vídeo promocional do lanzamento da versión para PS4 de Beyond: Dos Almas

PUBLICIDADE