Beat Saber incorpora ao seu catálogo 10 temas de Daft Punk

O xogo de ritmo Beat Saber por fin reciben un dos seus lotes de cancións máis agardados e acaídos á súa estética, con 10 dos maiores éxitos de Daft Punk, que poden adquirirse tanto para o de visores Meta Quest como para PlayStation VR2 a un prezo de 12,99 euros o lote (ou 1,99 euros cada tema por separado), sendo tamén posible adquirir o lote musical xunto co xogo Beat Saber por 39,99 euros.
Concretamente os temas musicais da banda formada en París en 1993 que se incorporan á oferta musical de Beat Saber son os seguintes:
– Around The World
– Around The World / Harder Better Faster Stronger (Live 2007)
– Da Funk / Daftendirekt (Live 2007)
– Get Lucky (feat. Pharrell Williams y Nile Rodgers)
– Harder, Better, Faster, Stronger
– Lose Yourself to Dance (feat. Pharrell Williams)
– One More Time
– Technologic
– The Prime Time of Your Life (Live 2007)
– Veridis Quo
Esta relación de temas sorprende polo feito de que varias das cancións proveñen do concerto Alive 2007 do dúo de música electrónica a quen moitos recoñecen polos seus característicos cascos, que permiten ocultar a súa cara, permitíndolles centrarse máis na súa música.
As cancións deste lote musical xogaranse nun contorno personalizado, cunha paleta de cores inspirada no escenario da banda nos seus concertos.