Batería externa para cargar o smartphone en mobilidade

As grandes pantallas dos smartphones e a súa posibilidade de estar constantemente conectados á Internet, sumado ao feito de que moitos modelos teñen unha batería integrada que non pode substituírse en mobilidade, supoñen todo un problema para a autonomía dos dispositivos móbiles, e para solucionalo chegan accesorios como o PhoneSuite Power Core Micro, unha batería recargable externa de 3.500 mAh (suficiente para cargar un par de veces a meirande parte de smartphones) capaz de achegar ata 1 ampere e 5 W a través de USB, polo que pode empregarse tanto para cargar móbiles Android pro micro USB ou dispositivos de Apple mediante o conector de 30 pins ou cable Lightning.
O PhoneSuite Power Core Micro mide 74 x 21 x 31 milímetros, pesa 79 gramos, nunha carcasa resistente e elegante que inclúe un medidor de carga de 4 puntos LED. O seu prezo de venda é de 79,95 dólares (60,64 euros), o que parece un prezo bastante atinado se temos en conta a capacidade e potencia capaz de achegar esta batería externa (outros modelos máis baratos poden cargar un móbil, pero non poden facer tal cun iPad).