Audiosurf arrasa na plataforma de venda de xogos Steam

xoves, 6 de marzo do 2008 Marcus Fernández

En xaneiro falamos do xogo Audiosurf coma un exemplo de orixinalidade ó mesturar unha interface como a de Wipeout e unha dinámica de xogo que parece unha mestura entre Guitar Hero e Columns. Agora temos que destacar que este título de programadores independentes é xa líder na plataforma de venda de xogos en descarga Steam, tanto en número de unidades vendidas coma en ingresos económicos superando a títulos coma Portal ou Counter-Strike: Source.
Audiosurf demostra así que non é preciso realizar investimentos millonarios para facer un videoxogo de éxito. Amais, o xogo se vende a un prezo moi popular (9,95 dólares) e non limita os temas musicais incorporables no xogo (coma outros títulso musicais) e permite empregar calquera tema en MP3, M4A, WMA, OGG ou en CD, incluíndo de balde a banda sonora orixinal de The Orange Box.
Para entender a dinámica do xogo podemos vela no seguinte vídeo:

PUBLICIDADE