Asus estrea un reprodutor multimedia conectado e con sintonizador de TDT
xoves, 27 de setembro do 2012
Coa popularización de formatos de vÃdeo diversos na Rede
(como o MKV) emerxeron unha serie de reprodutores multimedia que permite levar
os novos contidos descargados da Internet ao televisor, pero agora que os
reprodutores de Blu-ray e os propios televisores contan con tales prestacións
de serie teñen que renovarse con novas funcionalidades para atopar un oco no
mercado, e asà temos agora o Asus
O!Play Media Pro, que é a evolución da familia de reprodutores domésticos
de Asustek.
O novo dispositivo xa non se limita a reproducir contidos en máis de 50
formatos achegados por SD ou USB, senón que tamén reproduce os contidos almacenados
no noso ordenador a través de Wi-Fi N ou Gigabit Ethernet, inclúe sintonizador
de TDT de alta definición para poder ver a televisión (e incluso programar
gravacións), achega prestacións propias dun Smart TV (acceso a servizos como
YouTube, Dailymotion, Facebook, Picasa, Flickr...) e incluso pode amosar
contidos que teñamos no noso móbil valéndose da aplicación O!MediaShare, dispoñible
en Google Play e na App
Store. Unha excelente opción para que teña un televisor de alta definición sen
conexión á Internet e queira tirar del un maior proveito. O seu prezo en España será duns 130 euros.
- O reprodutor ten un tamaño reducido e inclúe todo o necesario para gozar do seu uso no noso televisor de alta definición