As salas de audio en directo de Facebook botan a andar nos EE.UU.
luns, 21 de xuño do 2021
A emerxencia de Clubhouse provocou o xurdimento de numerosos
servizos en liña centrados no audio, sendo os máis destacados actualmente
Twitter Spaces e Greenroom de Spotify, pero nos EE.UU. está a chegar un
importante competidor, Facebook, que está
a comezar a permitir aos usuarios estadounidenses a apertura de salas de audio
en directo dentro dos grupos, caracterÃstica que semella calcada á dos
servizos anteriores, co detalle de que nas salas de Facebook o número de
falantes máximo é de 50, non existindo lÃmite de oÃntes.
Esta caracterÃstica depende da privacidade de cada grupo, ou sexa, que nos
grupos privados as salas de audio en directo manteranse só para membros do
grupo, mentres que en grupos públicos serán accesibles para calquera, e durante
as retransmisións será posible apoiar a causas para que os participantes poidan
realizar doazóns. Os oÃntes tamén poderán mercar estrelas para envialas aos
organizadores das salas, no que semella unha mecánica de monetización semellante
á que o público está afeito en Twitch.
A esta funcionalidade úneselle tamén a posibilidade de reproducir podcasts
dende a propia aplicación de Facebook, que pode converterse nun reprodutor
multimedia a pantalla completa ou a presentar un pequeno reprodutor mentres
continúa a empregarse a aplicación. Polo momento é unha prestación limitada a
EE.UU. e a un reducido número de podcasts, estando previsto que durante o verán
vaian incorporando máis podcasts e funcións que axuden a que os podcasts poidan
ser máis sociais, deixando claro que Facebook non quere quedar fóra do mercado
do audio social que aÃnda está por consolidar.