As cabinas telefónicas seguirán connosco polo momento

O pasado verán a Comisión Nacional dos Mercados e a Competencia publicou un informe instando a modificar a lexislación que consideraba como servizo universal as guías de información sobre os números de abonado e os teléfonos públicos de pagamento, por entender que estes servizos carecían de uso efectivo e estaban claramente obsoletos, polo que non estaba xustificado que o Estado realizase un grande investimento nos mesmos, pero finalmente a CNMC non saíu totalmente coa súa, e aínda que o Real Decreto que se aprobará mañá si eliminará do servizo universal ás guías telefónicas e aos servizos de consulta sobre números de abonado, manterán brevemente as cabinas telefónicas.
Os servizos de información telefónica e as guías poderán seguir existindo, pero en réxime de competencia (o que no caso das Páxinas Brancas espérase que supoña a súa desaparición), pero no caso das cabinas telefónicas aínda había dúbidas sobre se é convinte fixar xa a data da súa desaparición, de xeito que Telefónica (compañía que non está interesada en manter tal servizo deficitario) continuará a manter a redes dunhas 16 mil cabinas telefónicas que quedan en servizo, pese a non existir demanda real deste tipo de teléfonos públicos.