Anuncian novos títulos co selo Games for Windows

martes, 8 de xaneiro do 2008 Marcus Fernández

O CES de Las Vegas non só presenta novidades para a electrónica de consumo, senón que tamén achega boas novas para os afeccionados ós videoxogos, pois Microsoft aproveitou o evento para dar a coñecer que a familia de Games for Windows incorporará a novos videoxogos coma Alone in the Dark, Bionic Commando, Conflict: Denied Ops, Empire: Total War, LEGO Indiana Jones, Microsoft Train Simulator 2, Sins of a Solar Empire, Space Siege e Tomb Raider: Underworld.
A liña Games for Windows só contaba con 2 títulos en 2006 e foi medrando ata superar os 60 videoxogos este mes, procurando dar un importante pulo ó sector dos xogos para PC, que promete achegar moi bos produtos durante 2008, como Age of Conan: Hyborian Adventures, Borderlands, The Club, Fallout 3 e Frontlines: Fuel of War.

PUBLICIDADE