Anuncian as plataformas de streaming que estarán dispoñibles para PS5 dende o primeiro dÃa
xoves, 22 de outubro do 2020
A
poucas semanas para a chegada da PlayStation 5 ás tendas dende Sony deixan caer
que a PS5 non só será unha máquina para xogar, senón que tamén pode servir como
corazón para o consumo audiovisual no fogar, facilitando o acceso a pelÃculas,
series de televisión, música e retransmisións en directo de partidas, partindo
xa cunha completa selección de aplicacións de lecer.
Temos asà que, aparte de a aplicacións que poderiamos considerar fundamentais nunha
consola doméstica como YouTube e Twitch súmanse outras aplicacións como Spotify
(que permite escoitar música de fondo durante as nosas partidas), Netflix (que
está dispoñible en case todas as plataformas posibles) e servizos máis recentes
como Disney+ (que nos vindeiros meses pretende coller forza para compensar a
ausencia de estreas en salas comerciais) e Apple TV (que facilita o acceso aos
contidos de subscrición de Apple TV+).
En contraste con anteriores consolas de Sony, coa PlayStation 5 si haberá un
mando a distancia oficial destinado ao control multimedia, que facilitará o
control audiovisual e tamén incluirá botóns de control de volume e alimentación
para os televisores compatibles. Tamén destaca o feito de que inclúa atallos para
acceder a Disney+, Netflix, Spotify e YouTube.
Dende Sony aseguran que máis adiante recibirán máis servizos de streaming na
PS5, polo que é de esperar que en breve vexamos plataformas como HBO, Amazon
Prime Video, Filmin, Rakuten TV ou incluso RTVE.