Anuncian a volta de varios videoxogos clásicos ás consolas de nova xeración
venres, 10 de outubro do 2008
Durante o Tokyo Game Show
que está a ter lugar estes dÃas no Xapón moitas novidades do sector dos
videoxogos se presentan, pero as imaxes, trailers e presentacións que se
achegaron corresponderon na súa meirande parte a tÃtulos dos que xa se coñecÃan
detalles, de xeito que o evento serviu principalmente como posta ao dÃa, agás
no caso dos xogos que se venderán como descarga a través das plataformas en
liña das consolas de nova xeración, que foron auténticas sorpresas, destacando
as revisións de clásicos das recreativas dos anos 80.
- O Arkanoid Live! permitirá horas de xogo a través dos seus 120 niveis
AsÃ, un dos xogos que chegarán a Xbox LIVE Arcade será o Space
Invaders Extreme, que captura a esencia do xogo mata-marcianos
por excelencia presentando unha nova aparencia, nova música… unha auténtica
renovación estética, incluÃndo mini-xogos que se poderán superar ao longo das
nosas partidas e mesmo se contará con dous modos multixogador (cooperativo e competitivo).
Outro clásico que tamén se adapta para Xbox 360 é o xogo de romper os ladrillos
cunha bola, e Arkanoid
Live! permitirá revivir un dos tÃtulos máis carismáticos de
Taito a través de 120 fases con atractivos gráficos e música de fondo aos que
se sumarán tamén modos para 2 xogadores tanto en local como a través da Rede.
Pero a cousa non remata aÃ,
e mesmo os usuarios da Nintendo Wii, grazas a WiiWare poderán facerse en breve
(non se concretou a data exacta do seu lanzamento, que será antes do Nadal) con
Tetris
Party, unha revisión do xogo deseñado por Alexey Pajitnov que
pretende aproveitar especialmente o modo multixogador.
- O novo Tetris para Wii será toda unha festa e incluso se poderá manexar coa táboa de equilibrio
O novo xogo tamén contará cun modo especial no que deberemos colocar as pezas
que caen de xeito que un pequeno escalador poida subir por elas (en vez de
buscar a súa desaparición, como era o normal neste xogo) o que supón todo un
reto para usuarios que levan máis tempo botando partidas ao Tetris de sempre.
Nas mesma liña (a de desfacerse doa hábitos adquiridos xogando ao tÃtulo
orixinal) tamén haberá un modo sombra
no que haberá que colocar pezas cunha forma determinada (perdendo puntos polos
espazos que ocupemos fóra da figura, asà como polos anacos que non podamos
encher).
O xogo conta con máis modos de xogos, sorprendendo especialmente a posibilidade
de botar unha partida coa táboa de equilibrio da Wii (que moverá as pezas
lateralmente se nos balanceamos e as xirará se nos movemos de arriba a abaixo),
o que parece destinado ao seu uso por cativos, xa que o xogo ten que reducir
moito a súa dificultade para poder manexarse dun xeito tan pouco práctico.