Amplificador para compartir co mundo a música do iPod

mércores, 28 de febreiro do 2007 Fernando Sarasketa

Os trebellos para escoitar música hoxe en día son, cada vez máis, trebellos para empregar en soidade (e que ninguén entenda mal este comentario). O caso é que tanto o iPod como os restantes aparellos cos que podemos reproducir cancións baixaxas pola Rede raramente deixan marxe para unha manipulación compartida, e semellan máis ben feitos para protexernos das parvadas e dos ruídos desagradables que se oen ó noso arredor. Co fin de facer de nós individuos máis sociables, vense de pór no mercado o Ion Portable Amp. Este aparello non é outra cousa que un amplificador portátil de case 20 quilos e co que poderemos por fin amosarlle ó mundo que o que realmente nos gusta é José Luis Perales e o seu tema Que canten los niños.
O seu prezo é de 225 euros, ten dúas saídas de son e batería para seis horas. Ademais, inclúe porto de entrada para inserir o reprodutor portátil.

PUBLICIDADE