All Star Karate leva as artes marciais máis divertidas á Wii

THQ anunciou que están a preparar un novo xogo para Wii da serie All Star que sería o primeiro en integrar xogabilidade baseada no karate na consola de Nintendo, e que chegaría ás tendas na primavera.
All Star Karate, pese a estar inspirado nas artes marciais, non ten a aparencia dun título violento, senón que fai uso dunha estética un tanto humorística, e consiste en manexar a un mozo que intenta salvar a un ancián do ataque de varios ninjas, o que lévalle a coñecer a un mestre de karate que o acolle coma aprendiz, polo que a partires dese momento haberá que mellorar as dotes marciais ata chegar ao cinto negro.
O xogo tirará proveito do Wii MotionPlus, contará con multitude de minixogos e incluso permite adestrar contra amigos nun modo de desafío ou creando secuencias de movementos propias cun editor de katas.

Vídeo de presentación do novo xogo de THQ para Wii