Afeccionados crean un deseñador de niveis para Mega Man
martes, 11 de xullo do 2017
O xogo
Super Mario Maker para Wii U e
Nintendo 3DS converteuse en todo un éxito ao permitir que os propios usuarios
sexan os que deseñen os niveis polos que pode moverse o seu fontaneiro virtual
favorito, e tal concepto espertou o interese dun desenvolvedor de xogos de
balde, WreckingPrograms, que xuntouse con varios colaboradores para facer
realidade Mega Maker, un xogo feito por e para
afeccionados que permite crear niveis personalizados do clásico de Capcom Mega Man.
O creador de niveis de Mega Maker
conta con 46 inimigos, 29 obxectos de nivel, 12 xefes finais, 24 armas
especiais, 40 fondos, 129 tilesets e
63 pistas musicais, de xeito que será posible tanto recrear niveis dos xogos
orixinais como construÃr escenarios totalmente orixinais que poderán
compartirse con outros usuarios.
Esta iniciativa naceu en setembro de 2016 como un proxecto individual sen
orzamento, pero segundo foi avanzando sumou varios colaboradores e agora que
está a achegarse a súa estrea oficial o vindeiro sábado teñen en marcha un Patreon para recibir doazóns
que permitan sufragar os gastos de hospedaxe web que precisará o xogo
(principalmente para a funcionalidade que permita compartir as creacións a
través da Rede).
Cómpre dar conta de que Mega Maker
non ten ningunha relación con Capcom, pese a empregar a súa propiedade
intelectual, o que supón un grande risco para este proxecto, xa que os propietarios
de Mega Man poderÃan forzar a
retirada deste proxecto da Internet.
Tráiler de Mega Maker