ASRock aposta polos portátiles pequenos

ASRock presenta no CeBIT o seu novo portátil, que pretende achegarse ao sector dos ultraportátiles, aínda que quedando lixeiramente sobre tal categoría de equipos, pois o MultiBook G12 conta cunha pantalla de 12,1 polgadas cunha resolución de 1.280 x 800 píxeles e un procesador Intel de dobre núcleo, polo que sería un portátil normal de tamaño reducido (como xa hai moitos no mercado).
Este novo portátil conta cun disco duro SATA de 2,5 polgadas (non se especificou as capacidades nas que se venderá), Gigabit Ethernet, Wi-Fi (802.11b/g/n), entradas e saídas de son, gravadora de DVD, 4 portos USB 2.0, modem, e saída VGA. Sairá á venda a un prezo competitivo entre abril e maio deste ano.