AGASINT e a USC xuntan forzas para impulsar a formación en drons
martes, 4 de xuño do 2019
A fronte común galega de firmas de sistemas intelixentes non
tripulados, AGASINT, vén de
formalizar un acordo coa Universidade de Santiago para impulsar a
formación avanzada sobre o ámbito tecnolóxico que lle toca de
preto á asociación: aplicacións, ferramentas e tecnoloxías
propias dos vehículos terrestres, acuáticos e aéreos tripulados de
forma remota. A
alianza foi dada a coñecer este luns na Escola Politécnica Superior
do Campus de Lugo.
A
formalización do acordo contou coa presenza do director da EPS,
Tomás Cuesta, a coordinadora do máster universitario en Operacións
e Enxeñaría de Sistemas Aéreos non Tripulados, Mariluz Gil
Docampo; o presidente de AGASINT, Luis Aceituno, e Marco Rubinos, en
representación da empresa 3edata, spin-off tecnolóxica nada
no cCmpus de Lugo da USC e, na actualidade, adherida a AGASINT.
Segundo
fixeron saber en termos concretos, a alianza vai destinada a xuntar
forzas e experiencias (formación, investigación e bagaxe
empresarial) para “completar a formación académica que recibe o
alumnado do mestrado en Operacións e Enxeñaría de Sistemas Aéreos
non Tripulados ou en calquera outro título ou programa de estudos da
USC neste ámbito do coñecemento mediante a colaboración coas
empresas do sector”. Amais, os responsables académicos e os
representantes empresariais que participaron na presentación deste
convenio marco, salientaron o “carácter ambicioso” dun acordo
aberto a múltiples posibilidades. De feito, indicaron, “cada
actuación ou plan de acción concreto que se baralle será obxecto
dun convenio específico”.
En
palabras de Marco Antonio Rubinos Román, “os sistemas tripulados
en forma remota, tanto aéreos como terrestres ou acuáticos,
constitúen un sector en franca expansión, e en moitos casos
constitúen ferramentas innovadoras que precisan de profesionais cun
alto grao de de formación, polo que é lóxico e necesaria a
creación de ligazóns entre empresas tecnolóxicas e centros de
investigación”.
Pola
súa banda, o presidente de AGASINT, Luis Aceituno, lembrou que “os
obxectivos da asociación pasan por trasladar e canalizar as
necesidades específicas de formación”. E engadiu: “Cada vez
identifícanse novas necesidades de coñecemento entre os técnicos
que están a desenvolver traballos nas empresas tecnolóxicas, o que
dá pé a nichos de emprego emerxentes no contexto do mercado
laboral”.
Respecto
dos cometidos específicos deste convenio co mestrado, Aceituno dixo
que entre as motivacións do acordo atópase a de colaborar na
formación práctica das alumnas e alumnos matriculados neste posgrao
impartido na EPS de Enxeñaría do Campus de Lugo da USC e na UVigo,
amais de difundir o traballo que están a realizar as empresas
tecnolóxicas e divulgar os resultados dos proxectos que desenvolven.