A revista EGM publica novos detalles sobre Street Fighter IV

martes, 11 de decembro do 2007 Marcus Fernández

Aínda que faltan moitos meses para o seu lanzamento, xogo Street Fighter IV non para de dar que falar, pois os seguidores da saga de loita máis popular de tódolos tempos discutiron moito trala aparición do vídeo promocional deste novo título, xa que parecía presentar unha aparencia tridimensional realista do xogo, o que parecía traizoar o espírito do xogo.
O número de xaneiro de 2008 da revista EGM inclúe un amplo artigo sobre o xogo, que elimina moitas das dúbidas sobre o mesmo, de xeito que agora sabemos que o xogo terá uns gráficos tipo cartoon-shaded, funcionará a 60 fotogramas por segundo, a xogabilidade será bidimensional, contará con personaxes novos, situarase cronoloxicamente entre os títulos Super Street Fighter II Turbo e Street Figher III e estará enfocado máis ó ataque que á defensa.
Pese a que se viña falando de que o xogo sairía para Xbox 360 e PS3, non esta descartado o lanzamento para outras plataformas, e contará con versión en liña, o que podería potenciar a compra de novos personaxes e escenarios.

PUBLICIDADE