A nova web da Semana da Ciencia que pon en marcha a FECYT acubilla dúas accións galegas
mércores, 31 de outubro do 2012
Para quen queira ir
informándose das principais actividades previstas, a nivel estatal,
para celebrar a Semana da Ciencia, dicirlle
que a Fundación Española para a Ciencia e a TecnoloxÃa (FECYT) ten
en marcha unha web especÃfica, renovada, sobre a dita cuestión e as
súas múltiples manifestación ao longo e ancho do mapa:
semanadelaciencia.es.
Nela, a Fundación, principal impulsora española da Semana, amosa en
detalle 20 proxectos de actividade da Semana da Ciencia (unha semana
que non é unha semana, senón un mes enteiro de accións: o mes de
novembro que comeza este xoves). Entre os proxectos atopamos dúas
propostas da nosa terra.
En primeiro lugar, unha iniciativa
galega que ten cada dÃa máis adeptos, apoios e participantes: a
feira de novos talentos investigadores Galiciencia, que celebra cada
ano a Tecnópole de Ourense (Parque Tecnolóxico de Galicia) nesta
cidade.
En segundo lugar, a
edición 2012 de Biodiversión, cuxo obxectivo principal é
achegar a ciencia aos estudantes de Primaria, dende un punto de vista
lúdico e de lecer, a través de dúas liñas de acción concretas:
obradoiros prácticos no Instituto de Investigacións Agrobiolóxicas
de Galicia e máis obradoiros prácticos nos colexios.
Os proxectos dos que se dá conta na
web (con tódolos seus detalles de contido e obxectivos e
complementados cun buscador por data e localidade) teñen o apoio da
FECYT e o alicerce común de ser acubillo de divulgación
investigadora, cun claro compoñente de fortalecemento e pulo de
vocacións novas. En total, desenvolveranse baixo o devandito abeiro
da Fundación un total de 340 actividades, coas que se prevé
convocar a un público estimado de 215.790 persoas, na súa maiorÃa
mozas e mozos. O financiamento outorgado polo organismo estatal é de
282.300 euros, mentres o orzamento solicitado foi de case dous
millóns de euros.
