A nova cámara sen espello de Sony aposta por unha maior estabilidade

xoves, 20 de novembro do 2014 Marcus Fernández

Sony presentou a súa nova cámara Alpha 7 II, que é unha cámara full frame sen espello cun sensor de 40 Míxeles que destaca por incorporar un estabilizador de imaxe de 5 eixes, de xeito que sería a primeira cámara deste tipo en incorporar tal tecnoloxía que segundo Sony reduciría en 4,5 as vibracións e que tamén pode combinarse cos estabilizadores incluídos nos obxectivos, de xeito que consegue unhas imaxes menos movidas.
Esta revisión da Sony Alpha 7 presume de ter mellorado un 30% a velocidade de enfoque automático e incrementado o rendemento da súa tecnoloxía de seguimento 1,5 veces. Tamén é capaz de gravar vídeo Full HD a 60 imaxes por segundo a 50 Mbps (facendo uso do codec XAVC S), ten saída micro-HDMI, integra Wi-Fi e NFC, mide 127 x 96 x 60 milímetros e pesa 556 gramos (con batería). Sairá á venda no Xapón o vindeiro 5 de decembro a un prezo de 190.000 iens (1.282,7 euros), quedando por confirmar as datas de lanzamento no resto de mercados.


Vídeo promocinal da nova Sony Alpha 7 II

PUBLICIDADE