A nova Fonera permitiranos compartir a conexión á Internet cos nosos amigos de Facebook
xoves, 24 de outubro do 2013
Dende
Fon levan anos intentando crear a meirande rede Wi-Fi global facendo que os
usuarios empreguen o seu router, coñecido como Fonera, para conectarse no fogar
e tamén para compartir tal acceso con outros usuarios (o que facilita tamén o
acceso ás redes Wi-Fi doutros usuarios cando se está fóra da casa); e tras
sumar máis de 12 millóns de puntos de acceso en todo o mundo, no mes de
novembro van pór á venda por 39 euros unha nova Fonera que podemos considerar
revolucionaria por dicir
adeus aos complicados contrasinais de redes Wi-Fi para establecer a
comunicación a través de Facebook Connect, ou sexa, que os nosos amigos
poderán aproveitar a conexión do noso router doméstico con só identificarse a
través de Facebook.
A nova Fonera é máis cativa que as
súas predecesoras, é compatible con Wi-Fi N, emprega encriptación WPA e, aparte
de poder dar conexión sen fÃos a convidados, tamén pode empregarse como
repetidor Wi-Fi, ou sexa, para mellorar a cobertura da nosa rede Wi-Fi
doméstica. Aparte de poder mercarse a través da tenda en liña de Fon, a nova
Fonera tamén venderase a través de Amazon, polo que é de agardar que teña unha
boa distribución internacional.