A crÃtica eloxia a Soul Calibur IV
xoves, 31 de xullo do 2008
Esta semana chega ás tendas
o xogo Soul Calibur IV para Xbox 360
e PS3, e deixando a un lado o feito de que neste xogo de loita parecen 3
personaxes de Star Wars, a
crÃtica parece estar encantada con esta entrega da saga que iniciara
Soul Edge para recreativas (e que
para moitos é o mellor xogo de loita en 3D de todos os tempos).
Analizando cómo perciben
distintos medios o novo xogo podemos ver como acada unha nota de 9 sobre 10,
mentres que publicacións coma 1Up chegan a darlle un 10, polo que parece que o
xogo non decepciona en absoluto, presentando unha xogabilidade á altura das
anteriores entregas. Tamén destacan
as posibilidade de xogo en liña e a personalización dos loitadores
e, dende
UGO non dubidan en asegurar que estamos ante a mellor entrega da saga.
Queda por comprobar agora se a calidade do xogo será capaz de facer esquecer
aos xogadores a posibilidade de manexar a personaxes coma o mestre Ioda ou
Darth Vader, en favor dos clásicos da saga ou de loitadores creados por eles
mesmos.
Video-repaso das novidades que incorpora Soul Calibur IV