A consola retro Atari VCS sae á venda nos EE.UU.
mércores, 16 de xuño do 2021
Dende 2017 están a traballar para devolver ao mercado das
consolas de videoxogos a marca Atari, o que levou á creación dunha campaña
de micromecenado en 2018 para financiar a creación da Atari VCS, unha especie
de hÃbrido entre ordenador persoal e consola que adoptando a estética da Atari
2600 prometÃa achegar xogos clásicos e novos, proposta nostálxica que conseguiu
convencer a máis de 11 mil mecenas que xuntaron máis de 2,5 millóns de euros en
pedidos anticipados para que este proxecto puidese chegar a un produto real,
que por fin
chega ao mercado.
A Atari VCS pode encargarse
na súa páxina web oficial, en tendas das cadeas Best
Buy e Micro
Center, e, en breve, tamén en Gamestop, sendo o prezo da consola na súa
versión máis básica de 299,99 dólares, mentres que con seus mandos e nun
acabado en madeira véndese por 399,99 dólares, prezo que parece extraordinariamente
elevado para unha consola retro, xa que é o que custa actualmente unha
PlayStation 5 sen lector de discos.
Esta nova máquina vén a ser un equipo cun procesador AMD Ryzen, 8 GB de RAM e
almacenamento ampliable (só trae 32 GB de almacenamento integrado), que pode
empregarse como unha consola Atari VCS que integra un cento de xogos clásicos de
consola e máquinas recreativas, contando cun modo PC para poder abrila a moito
máis software, de xeito que poderÃa servir para correr emuladores ou incluso
plataformas de xogo mediante streaming.
Poderiamos dicir que estamos simplemente ante un pequeno ordenador persoal, moi
básico, cunha estética curiosa, que algúns adquirirán por simple nostalxia, parecendo
bastante absurda a súa compra ao seu prezo de lanzamento.