A colección PlayStation Hits medrará en novembro

xoves, 25 de outubro do 2018 Marcus Fernández

Para que os usuarios de PlayStation 4 poidan gozar de todos eses xogos que moitos consideran imprescindibles existe unha colección de títulos que poden considerarse clásicos modernos, que ofértanse a un prezo popular. Estes chamados PlayStation Hits véndense a un prezo oficial de 19,99 euros (e incluso benefícianse de ofertas puntuais) e súa selección de 23 xogos vai medrar en novembro, incorporando Until Dawn, Uncharted Nathan Drake Collection, Metal Gear Solid V: The Definitive Experience, One Piece Pirate Warriors 3 e Naruto Shippuden: Ultimate Ninja Storm 4.
Até o momento, a colección de PlayStation Hits estaba composta por Bloodborne, Driveclub, inFAMOUS Second Son, Killzone Shadow Fall, The Last of Us Remastered, LittleBigPlanet 3, Ratchet & Clank, Uncharted 4: El Desenlace del Ladrón, Need For Speed, Need For Speed Rivals, EA Sports UFC 2, Yakuza Zero, Earth Defense 4.1: The Shadow of New Despair, Project CARS, Dragon Ball Xenoverse, Dynasty Warriors 8: Xtreme Legends Complete Edition, Watch_Dogs, Assassin’s Creed IV Black Flag, Rayman Legends, Mortal Kombat X, Batman Arkham Knight, Tierra Media: Sombras de Mordor e Street Fighter V.

PUBLICIDADE