A Xunta impulsa un Plan de formación para xestores culturais centrado na transformación dixital
venres, 24 de xullo do 2020
A Xunta e a Asociación Galega de Profesionais da Xestión
Cultural (AGPXC) impulsan
un Plan de formación dirixido a mellorar as competencias dixitais dos
traballadores deste sector. Trátase dunha iniciativa recollida no Plan de
Reactivación dos sectores cultural e turÃstico impulsado polo Goberno galego
para favorecer a recuperación destas industrias tras a crise sanitaria.
O proxecto, froito dun convenio de colaboración entre a
AGPXC e o Goberno galego, inclúe a celebración de sete cursos temáticos en liña
entre os meses de setembro e decembro que se ofertarán de xeito independente.
Con todo, o vindeiro mércores
29 de xullo terá lugar unha presentación telemática desta iniciativa a través
da páxina web da asociación na que participará o director xeral de
PolÃticas Culturais, Anxo M. Lorenzo. Os cursos estarán impartidos por
especialistas docentes e contarán cunha orientación totalmente práctica, co
obxectivo de que os participantes poidan, ao remate das sesións, identificar e
aplicar as estratexias e ferramentas dixitais máis adecuadas aos obxectivos,
contidos e equipos da súa entidade.
Ademais, a metodoloxÃa será totalmente en liña, permitindo
unha aprendizaxe flexible ao ritmo do alumnado. O número mÃnimo de
participantes será de 20 persoas e o máximo de 80. En paralelo, habilitarase un
servizo de atención telemática de 10:00 a 18:00 horas para resolver calquera
dúbida dos usuarios sobre a plataforma.
A través desta iniciativa, o Goberno galego busca dotar ao
sector dos xestores culturais de ferramentas para adaptar as súas competencias
e as súas actividades ao actual escenario de transformación dixital da cultura.
Esta nova realidade trae consigo a necesidade de coñecer novas técnicas para a
creación de contidos na rede, a aplicación de técnicas de información e
alfabetización de datos e o desenvolvemento de novos mecanismos de comunicación
e colaboración.
Dirixido a profesionais ou desempregados
Os cursos estarán dirixidos a profesionais do sector
cultural, tanto público como privado, a persoas desempregadas con experiencia
ou formación no sector cultural, a alumnado de cursos de especialización e mestrado
cunha orientación profesional cara este eido. O obxectivo das sesións será
identificar e reflexionar en torno aos desafÃos que supón a progresiva
dixitalización da cultura, asà como actualizar as competencias dos profesionais
neste contexto global.
Entre os asuntos que se abordarán nas diferentes formacións
destacan materias como a propiedade intelectual na xestión e creación dixital,
o márketing cultural no mundo dixital, as ferramentas dixitais para proxectos
creativos, a comunicación e colaboración en contornas dixitais, o desenvolvemento
de audiencias ou a participación cultural en tempos de distancia social.
