A PSP poderá contar con cámara a mediados de mes

mércores, 2 de maio do 2007 Marcus Fernández

O vindeiro 16 de maio será a data elixida para o lanzamento no mercado europeo dun dos accesorios máis agardados para a consola portátil de Sony: a Go!Cam. Esta nova cámara poderase conectar á PSP e que tamén incorpora un micrófono de xeito que serve tanto para captar imaxes estáticas coma vídeo e son.
A Go!Cam venderase a 49,99 euros e incluirá software para o tratamento de imaxes, vídeo e audio (Go!Edit), co que se pretende incrementar o abano de posibilidades de lecer que permite o dispositivo portátil de Sony, que non só serve para xogar, senón que tamén é un interesante reprodutor multimedia que se ve claramente enriquecido por engadidos coma o que estamos a tratar.

PUBLICIDADE