A PSP incorpora pequenas melloras no seu novo modelo

Sony elixiu a Games Convention de Leipzig para presentar unha nova revisión da súa consola portátil, que non supón ningunha revolución, senón que pule detalles que fai máis doado o uso das aplicacións incorporadas nas últimas versións dos seu firmware.
A PSP-3000 continúa a ser tan delgada coma o seu modelo anterior (lanzado en España o pasado setembro) e incorpora unha pantalla antireflectinte (para mellorar a visualización da pantalla en lugares ben iluminados ou no exterior), un micrófono integrado (para utilizar funcións de voz ou Skype sen precisar duns auriculares con micrófono) e saída de vídeo a 480 liñas entrelazadas (o modelo anterior só incluía saída en progresivo, o que a limitaba aos televisores máis novos).
A PSP 3000 chegará ás tendas o 15 de outubro en varias cores (negro, branco perla e prata) a un prezo de 199 euros.