A PS Vita estréase no Xapón
luns, 19 de decembro do 2011
- Andy House entregou a primeira PS Vita á venda.
O pasado sábado o Xapón viviu a chegada
ás tendas da nova consola portátil de Sony, a PS Vita, que non chegará a
Europa ata o 22 de febreiro (aÃnda que xa pode reservarse en varios establecementos),
e como vén a ser habitual en ocasións como esta, numerosos consumidores fixeron
cola para poder ser os primeiros en facerse co novo dispositivo, conseguindo o
primeiro da cola da tenda de Tsutaya (en Shibuya) que Andy House, presidente de
Sony Computer Entertainment, acompañado por Kaz Hirai, presidente executivo de
Sony Corporation, lle fixesen entrega da súa PS Vita.
- Non faltaron as colas ás primeiras horas da mañá para facerse coa PS Vita
Para axilizar o proceso de adquisición das primeiras consolas, os usuarios que
acudiron á tenda mencionada levaban as súas follas de reserva e escribiron en
follas os xogos e accesorios que desexaban adquirir. A PS Vita chega ás tendas
niponas cun catálogo inicial de 26 tÃtulos (case todos en formato fÃsico) e
aÃnda que existisen numerosas reservas da consola, o feito de que Sony estea a colocar
no mercado unhas 700.000 unidades da sucesora da PSP fai que non se teman
problemas de abastecemento.
Os impacientes que queiran saber máis da nova consola poden acceder ao
seu manual en liña ou mesmo adquirila de importación, o que non deberÃa de
ser un problema xa que a PS Vita non conta con bloqueo rexional, de xeito que
os seus xogos funcionarán en todo o mundo (aÃnda que as versións xaponesas dos
xogos non teñen por qué incluÃr textos en español ou inglés, de xeito que
tampouco terÃa moito sentido a súa adquisición agás para incondicionais que
gocen sendo os primeiros en facerse con este tipo de trebellos).
Cómpre comentar que a estrea da consola tamén veu acompañada por certos
problemas, como informes de que certos
fallos que levan á consola a colgarse ou a problemas con algunhas pantallas.