A PS Vita chegará o 17 de decembro a Xapón con 26 xogos
mércores, 14 de setembro do 2011
- Durante o Tokyo Game Show fixéronse distintos anuncios relativos á PS Vita de Sony
Continuando coa
vaga de anuncios durante o Tokyo Game Show, a pasada noite foi Sony quen quixo
dar a coñecer as múltiples novidades que arrouparán a súa nova consola
portátil, a PS Vita, da que confirmaron que estará dispoñible no Xapón a
partires do vindeiro 17 de decembro (sen concretar a data de lanzamento
europea) cun catálogo
inicial de 26 xogos moi diversos: BlazBlue: Continuum Shift II Plus, Browser Sangokushi Touch Battle, Project N.O.E.L.S., Fish On, Dynasty Warriors Musou Next, Shinobido II, Power Smash 4, Uncharted: Golde Abyss, Hot Shots Golf 6, F1 2011, Dream Club, Disgaea 3: Return, Katamari no Biita, Shin Kamaitacho no Yoru, Ultimate Marvel vs. Capcom 3, Yuusha no Kiroku, Dark Quest, Lord of the Apocalypse, Michael Jackson Experience HD, NicoNico Douga, Sawari Makuuru, Ridge Racer, Monster Radar, @field, Minna to Issho: Friend Network e Army Corps of Hell.
- A PS Vita chegará acompañada dun nutrido catálogo de xogos
Sony tamén asegura que hai uns 100 tÃtulos en desenvolvemento para PS Vita, entre
os que destacou que tamén teremos á colección Zone of the Enders, saga que vai adaptarse á alta definición, de
xeito que tamén estará dispoñible para PlayStation 3, camiño que tamén seguirá Final Fantasy X, xogo comercializado
para PlayStation2 en 2001 e que celebrará
o seu 10º aniversario con versións para PS Vita e PS3.
Entre os detalles que deron a coñecer da PS Vita está a duración da súa
baterÃa, que serÃa de entre
3 e 5 horas de xogo fóra de liña (fronte ás de 3 a 8 da Nintendo 3DS) ,
polo que parece que Sony continúa a repetir os erros da PSP, o que poderÃa
agravarse no caso de xogo en liña, que no modelo superior poderÃa facerse tamén
a través de 3G, para o que no
Xapón contarán con paquetes de subscrición de 20 e 100 horas/mes por 980 e
4.980 iens (9,29 e 47,27 euros) respectivamente a través da operadora NTT DoCoMo.