A Nintendo Switch poderÃa ter aplicación de Netflix no futuro
mércores, 8 de marzo do 2017
O lanzamento da
Nintendo Switch o pasado venres deixaba claro unha vez máis que as consolas
de Nintendo chegan con moitas carencias que non se limitan a un reducido
catálogo de xogos, senón que hai moitas outras funcionalidades sen implementar,
como a prometida Consola Virtual que permitirá gozar de xogos de anteriores
consolas a Nintendo Switch, e que é unha funcionalidade moi demanda
(especialmente pola posibilidade de gozar de certos xogos en mobilidade).
Preguntado por tal cuestión, Reggie
Fils-Aime comentou ao The Washington Post numerosos detalles da nova consola,
entre os que destaca especialmente o feito de que a nova máquina recibirá
aplicacións de servizos de streaming,
para o que están en negociacións con Netflix, Hulu e Amazon, entre outras, polo
que só é cuestión de tempo que a Nintendo Switch poida converterse nunha completa
solución para o lecer electrónico.
Fils-Aime tamén destaca que a Switch non está a competir coa 3DS, xa que ambas
plataformas ofrecen experiencias diferentes en función do tamaño da pantalla na
que corren os xogos e a potencia que os move, de xeito que o tipo de xogos
serán distintos, ou sexa, que serÃa imposible gozar dun xogo como The Legend of Zelda: Breath of the Wild
nunha Nintendo 3DS.
Sobre o catálogo de xogos inicial asegura que para axudar a tomar a decisión se
mercar ou non a Nintendo Switch están a detallar o seu calendario de
lanzamentos, xa que os xogos serán o principal reclamo, e desta volta parece
haber un grande interese de desenvolvedores externos, de aà que a Switch vaia
contar con tÃtulos como FIFA ou NBA 2K, aos que sumaranse tamén
numerosos xogos independentes como Shovel
Knight.
Comparando a Nintendo Switch coa Xbox One ou a PS4 Reggie Fils-Aime deixa claro
que eles apostan por ofrecer unha experiencia de uso diferente (o feito de
poder usar a consola en mobilidade pode ser un factor decisivo para moitos) e
no catálogo de xogos, pois non podemos esquecer que franquÃas como Zelda, Mario
ou Fire Emblem están limitadas a consola de Nintendo, de feito que os xogadores
que queiran gozar deses tÃtulos no futuro non terán máis opción que facerse coa
nova máquina da compañÃa nipoa, o que fai que comparar das distintas consolas
careza relativamente de sentido.