A Nintendo DS terá un xogo para deixar de fumar

Despois de adestrar a mente e os ollos dos usuarios da Nintendo DS, agora buscan axudar os propietarios da consola portátil de Nintendo a deixar de fumar, e Allen Carr’s Easyway To Stop Smoking levará un popular método para afastarse do tabaco ás pequenas pantallas da DS.
O método Carr xa conta con moitos libros, CD e DVD editados no mercado anglosaxón, e mesmo ten presenza nunhas 100 clínicas de desintoxicación en 35 países ás que acudiron famosos coma Anthony Hopkins, Ashton Kutcher ou Britney Spears.
A empresa que tivo que adaptar o método para deixar de fumar nun xogo foi Ubisoft, e pretenden así facer máis doado o abandono do vicio do tabaco, o que podería supor un grande éxito en vendas.