A Deputación de Lugo aposta pola vía telemática para as súas sesións de Goberno e plenarias
luns, 18 de xaneiro do 2021
Ante
a preocupante situación sanitaria na nosa terra e á necesidade
urxente de pór en marcha máis medidas extra de seguridade, o
presidente da Deputación de Lugo, José Tomé, decidiu celebrar vía
telemática a xunta de Goberno, as comisións informativas e mailo
pleno de xaneiro.
A
decisión enmárcase no conxunto de medidas que o presidente decidiu
adoptar, mesmo “por riba dos protocolos establecidos polas
autoridades sanitarias”, para reforzar a prevención e a protección
da saúde dos traballadores e traballadoras da institución
provincial e da cidadanía ante o importante avance da pandemia
A
Deputación de Lugo lembra que vén adoptando dende o inicio da
pandemia todas as medidas preventivas necesarias ante a COVID-19,
adaptadas “a cada momento da evolución da crise sanitaria”,
segundo explicou a entidade provincial, que engade que algunhas das
disposicións tiveron aínda “maior intensidade e rigor cás
establecidas polas autoridades sanitarias, co fin de preservar a
seguridade e a saúde dos seus empregados e empregadas, así como da
cidadanía á que presta atención e servizos públicos, mantendo ao
mesmo tempo o funcionamento da institución”.
Froito
disto, a Deputación decidiu reforzar as medidas de prevención e
protección que xa tiña en vigor, ampliando ao conxunto do
funcionariado o traballo non presencial, en todos os casos nos que
esta modalidade sexa posíbel, “para reducir ao mínimo
imprescindíbel a presenza de traballadores e traballadoras nas
dependencias provinciais entre hoxe, día 18, e o 31 de xaneiro”.