A Coruña e Santiago de Compostela celebrarán o Freelancers Day 2019 o 4 de xullo
venres, 28 de xuño do 2019
O 4 de xullo celébrase o dÃa dos autónomos, os profesionais
independentes, os traballadores en remoto, os nómades dixitais, os freelancers...
cunha iniciativa chamada Freelancers Day que busca xuntar a profesionais independentes
e facer unha posta en común, compartindo experiencias e coñecementos e
facilitando a xeración de oportunidades de colaboración.
Esta celebración está a visibilizarse principalmente a través de espazos de
coworking de toda a xeografÃa española e, curiosamente, entre os lugares onde
vai celebrares temos dúas cidades galegas: A Coruña e Santiago de Compostela.
No caso coruñés WekCo organiza
o Freelancers Day no Pazo de Arenaza, mentres que en Compostela é
Doutroxeito o espazo anfitrión. Ambos eventos teñen un completo programa de
relatorios, que no caso da Coruña están impartidos pola xestora administrativa
Ana Belén Muñiz, o deseñador web Edu Rubianes, Angélica Vidal, Patricia ParÃs,
o xornalista Manolo RodrÃguez, a copywriter Haizea de Pedro, o
emprendedor Juan Diego Pereiro e o consultor Miguel Picado. En Compostela, pola
súa banda teremos entre os relatores a
Javier GarcÃa Elespe, Andrés Ponte Iglesias, Ana Berta DomÃnguez Merelles, Tamara
RodrÃguez Silva, Berta Merelles, Fernando Piñeiro, Camilo Ameijeiras e Roberto
Gómez DÃaz.
Os temas que abordaranse nestes encontros van dende os beneficios da
dixitalización na empresa até as obrigas fiscais dun freelance, pasando
por temas tan importantes actualmente como a marca persoal ou o storytelling,
de xeito que resulta doado que calquera traballador independente atope algunha
actividade que satisfaga as súas necesidades de información.
