A Consellería de Educación blindará a prohibición do uso dos teléfonos móbiles nos centros educativos

O conselleiro de Educación, Román Rodríguez, informou esta mañá aos representantes das organizacións sindicais CCOO, ANPE e UGT-SP Ensino, da blindaxe da prohibición do uso dos teléfonos móbiles nos centros educativos como unha norma de máximo rango para garantir o seu total cumprimento a darlle o maior respaldo xurídico. Farao a través da Lei de medidas fiscais e administrativas da Xunta de Galicia para 2025.
No que atinxe á prohibición dos teléfonos móbiles nos recintos escolares, que opera desde o curso pasado a través dunha instrución remitida aos centros, o resultado da medida avalíase como moi satisfactorio en xeral entre a comunidade educativa, con boa repercusión na convivencia escolar. Non obstante, para garantir aos centros o máximo soporte xurídico na súa aplicación e ofrecer todas as certezas aos equipos directivos, vaise modificar o decreto 8/2015, de convivencia, a través da Lei de medidas para reforzalo.