A Canon EOS 6D Mark II integra pantalla de ángulo variable

Unha das cámaras de entrada no mundo das full frame, a Canon EOS 6D, está a renovarse, e así temos agora a nova Canon EOS 6D Mark II, un produto moi interesante por ofrecer unhas prestacións moi completas para novos profesionais da fotografía que ten previsto chegar ás tendas por un prezo de 2.169 euros (só o corpo).
Esta cámara réflex full frame incluso ofrece protección contra o po e a humidade, conseguindo así ser versátil; ten un sensor de 26,2 Mpíxeles, 45 puntos de enfoque automático, ISO 100-40.000, pantalla táctil LCD de 3 polgadas e ángulo variable, GPS, NFC, Wi-Fi e Bluetooth, que non só permite disparar fotografías de grande calidade, senón que tamén pode gravar vídeos Full HD, desta volta a 60 cadros por segundo, o que, xunto cun estabilizador de imaxe dixital de 5 eixes, supón unha interesante mellora, aínda que para moitos resulta decepcionante por non chegar a gravar vídeo 4K (aínda que si facilita a creación de vídeos time-lapse a tal resolución).
Temos así unha proposta conservadora, que satisfará a moitos incondicionais de Canon, contando cun bo número de melloras que, sen grandes alardes, conseguen pór ao día a unha das cámaras de referencia no mercado.