A CRTVG prepara un paquete de medidas para a recuperación do sector audiovisual
mércores, 8 de abril do 2020
O estado de alarma provocado pola pandemia está a afectar
moi seriamente ao sector audiovisual, que veu paralizadas as súas producións de
ficción e dos espazos de lecer por mor das medidas de seguridade esixidas para
frear o avance da COVID-19, e para contribuÃr a paliar a situación a
CRTVG vén de anunciar un paquete de medidas de apoio.
Deste xeito a CRTVG desenvolverá distintas iniciativas para contribuÃr ao mantemento
do tecido produtivo do audiovisual galego, como manter o groso da programación
de proximidade dos diferentes medios públicos galegos (dos que dependen centos
de contratos laborais); contratar novos produtos audiovisuais adaptados ás
novas necesidades xurdidas na sociedade galega durante o estado de alarma (contidos
educativos, experiencias innovadoras...); reducir os prazos de pagamento polos
produtos e servizo; pactar unha moratoria dos prazos de entrega das producións
interrompidas pola situación de emerxencia; anticipar a toma de decisións para a
selección de proxectos participados pola CRTVG coa finalidade de contribuÃr a
apoiar a produción audiovisual galega; incrementar o investimento en documentais
en galego (de xeito que adquiriranse producións nas que a CRTVG non participara
inicialmente); contratar un documental relacionado co momento actual; activar
un procedemento para a selección de proxectos destinados á adaptación a televisión
dunha produción teatral galega; reactivar a produción musical galega para
televisión e radio segundo o vaia permitindo a regulación sanitaria; establecer
un ciclo de concertos de música vÃa web; reactivar a dobraxe; axudar ao sector
audiovisual para a súa participación en certames internacionais; e procurar
alianzas ou colaboracións con iniciativas audiovisuais existentes que a CRTVG
poderÃa incorporar á súa oferta tanto televisiva como en redes.