A CNMC esixe a Finetwork garantir os pagamentos mensuais a Vodafone

A semana pasada soubemos que Vodafone España iniciara accións legais e administrativas contra Finetwork, operadora que ofrece servizos empregando a rede de Vodafone, ao que a Comisión Nacional dos Mercados e a Competencia (CNMC) respondeu esixindo a Wewi Mobile (empresa que opera a marca Finetwork) que cumpra coas súas obrigas contractuais.
Ante este escenario aseguran que o xulgado mercantil número 1 de Alacante nomeou un experto en reestruturación de débeda para Finetwork a proposta de Vodafone, compañía que está a pedir a supresión temporal do servizo de acceso a Finetwork ata que se proceda ao pagamento, así como deixar de atender as altas aos 45 días de que sexa comunicada a suspensión do servizo de acceso.
Aínda que Finetwork sinala que parte da débeda é «indebida e excesiva» e critica que o servizo que reciben «non é en absoluto equivalente ao dos clientes Vodafone, senón discriminatorio e peor», o impagamento de facturas non sería a fórmula legal para solucionar o conflito, polo non parece que esteamos ante un problema de doada solución.