A Axencia de Coñecemento en Saúde (ACIS) estrea páxina web
luns, 11 de xaneiro do 2016
A Axencia de Coñecemento en Saúde (ACIS), organismo de
recente creación, dependente da ConsellerÃa de Sanidade, vén de poñer en
funcionamento a súa páxina web, dando
visibilidade a esta entidade pública galega que pretende achegar unha nova
visión para afrontar os retos do coñecemento para o coidado da saúde. Deste
xeito, a experiencia, a formación, a investigación, a innovación e as novas
tecnoloxÃas garanten a mellora continuada da práctica sanitaria e é necesaria
unha xestión integrada de todas elas para acadar a máxima obtención de valor
cara ao paciente.
Nesta nova páxina web pódese ver un vÃdeo de preto de 3 minutos de duración
explicativo das funcións da ACIS. Nel destácase que este organismo nace para
tecer e alimentar a rede na que todas e todos os profesionais do Sistema
Público de Saúde de Galicia se forman, investigan, innovan, comparten
experiencias e interactúan coa súa contorna. Neste contexto, ACIS traballa para
que o coñecemento flúa de xeito eficiente, nun modelo de innovación aberto e
cunha clara visión internacional.